Will-Power அல்லது மன உறுதி என்ன? அதை எப்படி பெறுவது?

உரையாடல் 423. ஒரு உரையாடல்.

ஒரு இளவயதுள்ள பக்தர் கேட்டார் : நான் Will-Power அல்லது மன உறுதியை வளர்த்துக் கொள்ள விரும்புகிறேன். அதை நான் எப்படி செய்வது?

மகரிஷி பதில் அளிக்கவில்லை. மௌனமாக இருந்தார்.

பக்தர்: நான் மூன்று வருடங்களுக்கு முன்பு இங்கு வந்தேன். அப்போது நீங்கள் மன வலிமைக்கு Will-Power அல்லது மன உறுதி தேவை என்று சொன்னீர்கள். அந்த சமயத்திலிருந்து, நான் அதை விருத்தி செய்துக் கொள்ள விரும்பிக் கொண்டிருக்கிறேன்; ஆனால் வெற்றில்லை.

மகரிஷி இப்போதும் பதில் அளிக்கவில்லை.

பக்தர்: இந்த கடந்த வருடங்களில் நான் நாலைந்து முறை பின்னேற்றம் அடைந்துள்ளேன். அவை என்னை மிகவும் பாதித்து விட்டது. என்னுடைய முயற்சிகளின் தோல்வி அடைவதைப் பற்றி எப்போதும் பயம் இருக்கிறது. இது என் மேல் எனக்குள்ள நம்பிக்கையில் குறைவை விளைவிக்கிறது. அது எனது எத்தனங்கள் அல்லது முயற்சிகளில் நிச்சயமாக தோல்வி ஏற்படும் என்று முன்னதாகவே ஒரு கருத்து எனக்கு ஏற்பட்டு விடுகிறது. வெற்றியைப் போல் எதுவுமே வெற்றி கொள்வதில்லை. அதே போல் தோல்வியைப் போல் எதுவுமே ஒருவரது முயற்சிகள் வெற்றி கொள்வதைத் தடுப்பதில்லை. அதனால் தான் இந்த கேள்வியைக் கேட்கிறேன்.

மகரிஷி இப்போதும் பதில் அளிக்கவில்லை.

பக்தர்: வெற்றிக்கு Will-Power அல்லது மன உறுதி தேவையில்லையா? அது வெற்றியை உறுதிபடுத்தும்; தோல்வியை நிராகரிக்கும்.

மகரிஷி இப்போதும் பதில் அளிக்கவில்லை.

பக்தர்: நான் Will-Power அல்லது மன உறுதி பெறுவதற்காக முயற்சி செய்கிறேன். இந்த வருடங்களுக்கெல்லாம் பிறகு, நான் எங்கே ஆரம்பித்தேனோ, அதே   நிலையில் இருப்பதாகக் காண்கிறேன். முன்னேற்றம் ஏதும் இல்லை.

மகரிஷி இன்னும் பதில் அளிக்கவில்லை.

பக்தர்: Will-Power அல்லது மன உறுதி பெறுவதற்கு வழிமுறைகள் என்ன?

மகரிஷி: உங்களுடைய Will-Power அல்லது மன உறுதி என்ற கருத்து, காப்பீடு செய்யப்பட்ட நிச்சயமான வெற்றி என்பதாகும். Will-Power அல்லது மன உறுதி என்பது வெற்றியையும் தோல்வியையும் ஒரே வித உள்ளச் சமநிலையுடன் எதிர்கொள்ளும் திறனை அளிக்கும் மன வலிமை என்று புரிந்துக் கொள்ள பட வேண்டும். அது நிச்சயமான வெற்றியுடன் ஒத்தது இல்லை.

ஒருவரின் முயற்சிகள் அல்லது எத்தனங்கள் ஏன் எப்போதும் வெற்றியில் அமைய வேண்டும்? வெற்றி ஆணவத்தை வளர்க்கிறது; அதனால் ஒருவரது ஆன்மீக முன்னேற்றம் நிறுத்தப் படுகிறது. அதற்கு மாறாக, தோல்வி ஒரு விதத்தில் நன்மை அளிக்கிறது; நலன் தருகிறது; அதாவது அது ஒரு மனிதரின் வரையறைகளையும் குறைபாடுகளையும் பற்றி, அவரது கண்களை திறக்க வைக்கிறது; தன்னை உயர்ந்த சக்தியிடம் சரணைடைய அவரைத் தயார் செய்கிறது.

ஆன்ம சரணகதி நிரந்தமான பேரானந்தத்துடன் ஒத்ததாகும். எனவே, ஒருவர் எப்போதும் எல்லா சந்தர்ப்ப சூழ்நிலைகளிலும் சரி சம நிலை பெற முயற்சி செய்ய வேண்டும். அது தான் Will-Power அல்லது மன உறுதி. அதோடு மட்டுமில்லாமல், வெற்றியும் தோல்வியும் பிராப்தம் அல்லது ஊழ்வினையின் விளைவுகளே தவிர Will-Power அல்லது மன உறுதியினால் இல்லை. ஒரு மனிதர் நல்லதான மேன்மையான உயர்ந்த செயல்களை மட்டுமே செய்துக் கொண்டிருந்தாலும், தோல்வி காணலாம். மற்றொருவர் வேறு விதமாக செயல்களையே செய்தாலும், எல்லா விதத்திலும் வெற்றிகரமாக இருக்கலாம். இதனால், ஒருவரிடம் Will-Power அல்லது மன உறுதி இருக்கிறது என்றும், மற்றவரிடம் அது இல்லை என்றும் பொருளில்லை.

பக்தர்: உலகம் என்பது மனம் உண்டாக்கிய பொருள் என்று உள்ளது நாற்பது என்ற நூலில் சொல்லப் படவில்லையா?

மகரிஷி: ஆமாம்.

பக்தர்: அதிலிருந்து, வலிமையடைந்த மனம் உலகத்தை தனது கட்டுப்பாட்டுக்குள் கொண்டு வரும் என்ற அர்த்தம் வருகிறதில்லையா?

மகரிஷி: தனது வெளிப்புற நடவடிக்கைகளினால், மனமானது உலகத்தை எழச் செய்கிறது. இத்தகைய நடவடிக்கைகள் மனதில் வலிமையை வீணாக்கி விரயம் செய்கின்றன. வெளிப்புற நடவடிக்கைகளை அடக்கி, மனம் தனக்குள் மட்டுமே இருப்பதில் தான் அதன் வலிமை இருக்கிறது.

பக்தர்: ஒன்றிலிருந்து பத்து வரை எண்ணத் தெரியாத ஒரு முட்டாள் இருக்கிறான். அவனது மனம், நிச்சயமாக ஒரு சிந்தனையாளரைப் போல அலைவதில்லை.  இந்த முட்டாள் அந்த சிந்தனையாளரை விட மேன்மையானவரா?  

மகரிஷி: அவன் ஒரு முட்டாள் என்று யார் சொல்கிறார்? உங்கள் மனம் அலையும் போது, தனது அலைச்சலில் அப்படி சொல்கிறது. 

பக்தர்: எண்ணங்களை அறவே நீக்கி விடுவதால் Will-Power அல்லது மன உறுதி பெறப்படுகிறதா?

மகரிஷி: அதை விட, ஒரே ஒரு எண்ணத்துடன் மட்டுமே இருப்பதால். இறுதியில், தூய பிரக்ஞை அறிவை மட்டுமே மிஞ்சியிருக்க வைத்து விட்டு, இந்த எண்ணமும் கூட மறைந்து விடும். ஆழ்ந்த ஒருமுக சிந்தனை இதற்கு உதவுகிறது. 

பக்தர்: அப்படியென்றால், Will-Power அல்லது மன உறுதி, மனதை வழிநடத்தி, ஆழ்ந்து ஒரு முக கவனம் கொள்வதால் பெறப் படுகிறது. அதற்கும் Personality அல்லது ஒருவரின் தனித்தன்மைக்கும் ஒரு சம்பந்தமும் இல்லை.  

மகரிஷி: Personality அல்லது ஒருவரின் தனித்தன்மை தான் வெளிப்புற நடவடிக்கைகளின் மூல காரணம். மிக்க உயர்வான நன்மையும் நலனும் பெற அது மூழ்க வேண்டும்.